Gápptebágo

“Sámebivtasduodje le oasse mijá árbbedábes, ja dav oasev mij lulujma tjuovvot åvddålij guovlluj”. Navti Kaja Andersen álgat ietjas girjev Julevsáme Doahkojgápte. Girjen li bagádusá gåktu unnep doahkkogáptijt goarrot ja dan baktu låhkke bessá oahpásmuvvat gápptegoarromijn. Dát tæksta ij bárep tjielggi jur gåktu gáptev vadjá ja gårru, ájnat tjalmos ájnnasamos bágojt ma dán bargguj gulluji .

Gápptásin gåhttju tydjav massta gáptev ájggu goarrot. Duodden dárbaj ruvdajt buddasijda ja aj listov majt gápte hælmmáj ållu maŋemussaj gårru.

Gáptev skánda milta vadjá. Vadjat la gå skánda milta mihtti ja biessket. Gápten li gålmmå jali niellja oase duodden sasijda ja oalggebiehkijda. Hárddobielle l guovte oases ja åvddåbielle juogu de avta jali guovte oases.

Åhtsån ja sassegiehtjijn li buddasa. Nieljetjiegak ruvddabiehkke hárddon le gávlos. Dav máhttá ietjas miela milta hiervvit. Buddasijt dåhkki aj muhtem mærráj bårdudit ietjas miela milta, valla vuodobuttas, vuolemus buttas, galggá ruoppsadin nissunijda.

 Ålmåjgápten ij la gávlos, ájnat goahkka. Dat la juogu de alek jali ruodná. Ruoppsis nieljetjiegak ruvddabiehkke gåhkan la divlle.

Gápptáj dåhkki aj gájrájt goarrot vaj hielmme galjep sjaddá. Lissto diedon aj gápptáj gullu. Dåhkki duodden ruvddalistov hælmmáj goarrot åvddåla dábálasj listov dan gæhtjáj vat giddi.

Bágo:

Gápptás – stoffet koften syes av

Ruvdda – klede

Hielmme – (kofte)kanten

Skándda – mønster

Vadjat – klippe til etter mønster

Åhtså – barmåpning (i kofte)

Sasse – arm

Buttas (fl.tall.: buddasa) – (fastsydd) kant rundt halsåpningen og armene

Vuodobuttas – det nederste kantbandet

Badjelbuttas – det øverste kantabandet

Buddit – å sy fast buddasa

Sádjá – pynt, dekor på kofte

Gávlos – firkant av klede som hører til buddasa

Divlle – firkant av klede som hører til gávlos

Goahkka – krage

Gájrrá – kile

Ruvddalissto – kantband av klede nederst på kofta

Lissto – vevd kantband nederst på kofta

Gáldo:

Andersen, Kaja (2005). Julevsáme doahkojgápte. Ájluokta/Drag: Forlaget Báhko

3 responses to “Gápptebágo

  1. Divlle ij la tærmmalistan, dat nieljetjiegak gåhkan maññebielen ålmåjgápten, jfr gávlos mij la nissungápten. (Kaja A dav minji tjielggij mij lij almoduvvam avtan NRK artihkkalin, valla ij la des nehtan). Viertti aj tjielggit gávlos la dåssju nissungápten. Duodden ij la ållu riekta tjállet «Ålmåjgápten ij la gávlos, ájnat goahkka.», gå sváltján la ham goahkka (nissunbivtas) ja duodden gávnnu aj silbbagoahkka. Goahkka l aj gierkkamin. dåhkki gåhkav nammadit dárruj «krage». Riek buorre tjálos 🙂

    • Gijtov tsuojggidusá åvdås. Lav dal lasedam divlle tærmmalisstuj. Iv má tevstan javla goahkka dåssju gullu ålmåjgápptáj, valla jut ålmåjgápten le goahkka ja ij gávlos. Valla galgav gæhttjat gåktu rievdadit dav aj gå vuojnnet ij boade nav tjielggasit åvdån 🙂

  2. Tilbaketråkk: Koftetermer / gapptebago | Duodjebloggen·

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google+-bilde

Du kommenterer med bruk av din Google+ konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s